समायोजन खबर खोटाङ, खोटाङमा बालिका बलात्कार र बलात्कार प्रयासका घट्ना सबैभन्दा बढी पाईएको छ। अनौपचारिक क्षेत्र सेवा केन्द्र(इन्सेक)ले ‘नेपाल मानव अधिकार वर्ष पुस्तक २०२२’ प्रकाशनपूर्व गरेको वार्षिक समिक्षामा ११ महिनाको अवधिमा बालिका बलात्कार र बलात्कार प्रयास अत्याधिक भएको पाईएको हो।

२०२१ जनवरी १ देखि नोभेम्बरसम्म ३१ जना बालिकामा बलात्कार र यौन दुव्र्यवहारका घट्ना भएका छन्। १२ जना महिलामा बलात्कार र बलात्कारको प्रयास भएको छ। ५ वर्षीया बालिकादेखि ४७ वर्षीया महिलासम्ममा बलात्कार र बलात्कारको प्रयास भएको अनौपचारिक क्षेत्र सेवा केन्द्र(इन्सेक)ले शुक्रबार जिल्ला समन्वय समितिको हलमा गरेको समिक्षा कार्यक्रममा जानकारी दिएको छ।

बालिका तथा महिलाहरु आफ्नै नजिकका छिमेकी, नातेदार, चिनजानका आफन्त लगायतबाट बलात्कृत र बलात्कार प्रयास हुदा पीडित बन्ने गरेको इन्सेक जिल्ला प्रतिनिधि तारानाथ फुयलले बताए।

यस्तै, एक जना महिला र छ जना पुरुषमा (नागरिक अधिकार हनन्) अभद्र व्यवहार, अंश मुद्दा, सम्मानपूर्ण अधिकारवाट वञ्चित हुनु परेको छ। जिल्लाका तीन महिलाको हत्या भएको ५ वर्ष पूरा हुंदा पनि हत्यारा पत्ता नलाग्नुले आम जनमानसमा न्यायको अनुभुति हुन चुनौती खडा गरेको जिल्ला प्रतिनिधि फयुलले बताए।