समायोजन खबर खोटाङ, प्रदेश १ मा कोरोना जित्नेको संख्या दैनिक उकालो लागिरहेको छ। शनिबार प्रदेश १ मा ९५४ जना कोरोना संक्रमणमुक्त भएका छन्। संक्रमणमुक्त हुनेमा ४१७ महिला र ५३७ पुरुष रहेका छन् । हालसम्म संक्रमणमुक्त हुनेको संख्या ६० हजार ३६९ पुगेको छ।

प्रदेश १ मा आज २२७ जना कोरोना संक्रमित थपिएका छन्। सुनसरीमा १०७, मोरङमा ७८, झापामा २८, धनकुटा र उदयपुरमा ३–३, ते¥हथुममा १ र प्रदेश १ बाहिरका ७ जनामा संक्रमण देखिएको सामाजिक विकास मन्त्रालयले जनाएको छ।

प्रदेश १ मा कोरोना संक्रमितको संख्या ७० हजार १९१ पुगेको छ। सक्रिय संक्रमितको संख्या ८ हजार ६४९ रहेको छ। प्रदेश १ मा आज ६६० जनाको पीसीआर परीक्षण गरिएको छ। परीक्षण गरिएका मध्ये १०३ महिला र १२४ पुरुषको रिपोर्ट पोजेटिभ आएको सामाजिक विकास मन्त्रालयले जनाएको छ।