समायोजन खबर खोटाङ, प्रदेश १ मा आज १ हजार २८१ जना कोरोना संक्रमणमुक्त भएका छन्। संक्रमणमुक्त हुनेमा ५२८ महिला र ७५३ पुरुष रहेका छन्। मोरङबाट मात्र आज ५६३ जना संक्रमणमुक्त भएका छन्। हाल सम्म कोरोना संक्रमणमुक्त हुनेको संख्या ५१ हजार ७५ पुगेको छ।

प्रदेश १ मा आज ३९४ जना कोरोना संक्रमित थपिएका छन्। झापामा १४१, मोरङमा १२५, सुनसरीमा ८३, उदयपुरमा १८, संखुवासभामा ६, धनकुटामा ५, ताप्लेजुङ, भोजपुर र इलाममा २–२, पाँचथर र ते¥हथुममा १–१ र प्रदेश १ बाहिरका ८ जनामा संक्रमण देखिएको मन्त्रालयले जनाएको छ।

प्रदेश १ मा कोरोना संक्रमितको संख्या ६६ हजार ८३५ पुगेको छ। संक्रिय संक्रमितको संख्या १४ हजार ६९३ रहेको छ। प्रदेश १ मा आज १ हजार २७३ जनाको पीसीआर परीक्षण गरिएको छ। परीक्षण गरिएका मध्ये १८८ महिला र २०६ जना पुरुषको रिपोर्ट पोजेटिभ आएको सामाजिक विकास मन्त्रालयले जनाएको छ।