समायोजन खबर खोटाङ, स्पेनले कोरोना भाइरस महामारी रोकथाम तथा नियन्त्रणका लागि नेपाललाई स्वास्थ्य सामग्री सहयोग गरेको छ।

बुधबार राति राजधानी म्याड्रिडबाट उडेको आइवेरिया एयरलाइन्सको एक चार्टर्ड विमान भेन्टिलेर, अक्सिजन कन्सन्ट्रेटर, पीपीईलगायतका स्वास्थ्य सामाग्रीहरु सहित काठमाडौँ आइपुगेको हो।

सो विमानमा स्पेनका लागि नेपाली राजदूत दावाफुटी शेर्पा स्वास्थ्य सामग्रीहरु लिएर नेपाल आइपुग्नु भएको छ। अन्तर्राष्ट्रिय सहयोगका लागि स्पेनिस एजेन्सी एईसीआईडीका निर्देशक म्याग्डी मार्टिनेज सोलिमानले स्वास्थ्य सामग्रीहरु बिहिबार नेपाल सरकारका स्वास्थ्य मन्त्री हृदयेश त्रिपाठीलाई हस्थान्तरण गर्नु भएको छ।