समायोजन खबर खोटाङ, खोटाङमा दाहाल प्रतिष्ठान शाखा समितिको भवन शिलान्यास गरिएको छ । दिक्तेल रुपाकोट मझुवागढी नगरपालिका–२ सोल्मा गैरीगाउँमा शनिबार भवन शिलान्यास गरिएको हो ।

स्थानीय रामबहादुर खत्रीले निःशुल्क उपलब्ध गराएको ६ आना जग्गामा दाहाल प्रतिष्ठान केन्द्रीय समितिका सह–अध्यक्ष दुर्गा प्रसाद दाहालले भवन शिलान्यास गरेका हुन् ।

एक करोड लगानीमा निर्माण हुने भवन तीन तलाको हुनेछ । भवनमा सभाहल, पदाधिकारी कक्षहरु र अतिथि गृह हुनेछ । भवन निर्माणका लागि नगरपालिकाबाट नक्सा समेत पास भइसकेको छ ।

प्रतिष्ठानका लागि निकट भविष्यमा चार आना जग्गा पनि निःशुल्क प्राप्त हुने संकेत देखिएको दाहाल प्रतिष्ठान शाखा समिति खोटाङका अध्यक्ष मिन कुमार दाहालले बताए ।

प्रतिष्ठानको शाखा अध्यक्षमा मिन कुमार दाहाल
दाहाल प्रतिष्ठान शाखा समितिको अध्यक्षमा पुनः मिन कुमार दाहाल दोहोरिएका छन् । शनिबार जिल्ला समन्वय समितिको पूरानो हलमा भएको दाहाल प्रतिष्ठान शाखा समितिको तेश्रो जिल्ला अधिबेशनले दाहाललाई दोहोराएको हो ।

दाहालको अध्यक्षतामा २३ सदस्यीय समिति निर्माण भएको छ । समितिको उपाध्यक्षमा भोला दाहाल, सचिवमा लिला बहादुर दाहाल, सह–सचिवमा राजेन्द्र दाहाल र कोषाध्यक्षमा मित्र बहादुर दाहाल छन् ।