समायोजन खबर खोटाङ, खोटाङको हलेसी मन्दिरमा महिना दिन नपुग्दै साँढे पाँच लाख बढी भेटी संकलन भएको छ । कोरोना भाइरसका कारण आठ महिनापछि खुलेको मन्दिरको विभिन्न स्थानहरुबाट ५ लाख ६४ हजार २९० रुपैयाँ भेटी संकलन भएको हो ।

मंसिर १६ गतेदेखी पुस ८ गतेसम्ममा तीर्थालु भक्तजन र पर्यटकबाट शिव पार्वति थानमा ३ लाख ३० हजार ५९५, बसाहा गुफा दानपेटिकामा २९ हजार ६३५, गणेश मन्दिर दानपेटिकामा १४ हजार ७० रुपैयाँ संकलन भएको हलेसी सूचना केन्द्रका प्रमुख सयन्द्र राईले सूचना जारी गरेर जानकारी दिएको छ ।

सूचना केन्द्र प्रमुख राईका अनुसार २०७७ चैत ६ गतेदेखी पुस ८ गतेसम्म मन्दिरको प्राङगणमा राखिएको दानपेटिकामा १ लाख ८९ हजार ९९० रुपयाँ भेटी संकलन भएको छ ।

भारतीय पैसा ६५०, अमेरिकन डलर १, चाँदि १०६.५० ग्राम र सुन १.३०० ग्राम सुन तीर्थालु भक्तजन र पर्यटकले चढाएका छन् । कोरोनाका कारण गतवर्ष चैत ६ गतेदेखी पूजाआजाका लागि बन्द गरिएको मन्दिर मंसिर १६ गतेबाट स्वास्थ्य मापदण्ड बनाएर सर्वसाधरणका लागि खुल्ला गरिएको हो ।२०७७ पुस १४ गते बिहान ८ :५५ मा प्रकाशित