समायोजन खबर खोटाङ, असंवैधानिक संघीय संसद विघटनको विरुद्धमा जनता समाजवादी पार्टी खोटाङले विरोध प्रदर्शन गरेको छ ।

देशव्यापी कार्यक्रम अन्तर्गत बुधबार दिक्तेलस्थित पार्टी कार्यालयबाट सरकारविरुद्ध चर्को नारावाजी गर्दै जसपाले विरोध प्रदर्शन गरेको हो ।
जसपाका नेता कार्यकर्ताले प्रधानमन्त्री केपी ओली र राष्ट्रपति विद्यादेवी भण्डारीको चर्को विरोध गरेका थिए ।
पार्टी कार्यालयबाट सुरु भएको विरोध प्रदर्शन रत्नपार्कमा पुगेर पहिलो कोणसभामा परिणत भएको थियो । रत्नपार्कको कोणसभालाई जनता समाजवादी पार्टीका प्रदेश सदस्य मोहन गुरुङले सम्बोधन गरेका थिए ।
त्यसपछि पुनः सरकार विरुद्ध नारावाजी गर्दै विरोध प्रदर्शन त्रिबेणीचोकमा आएर कोणसभामा परिणत भएको थियो । त्यहाँको कोणसभालाई जसपाका केन्द्रीय सदस्य सन बहादुर राईले सम्बोधन गरेका थिए ।२०७७ पुस ८ गते दिउँसो ४ :४० मा प्रकाशित