समायोजन खबर खोटाङ, नेपाल प्रजातान्त्रिक महासंघ युवा समिति खोटाङले पूर्णता पाएको छ ।  नेपाल प्रजातान्त्रिक महासंघले कार्तिक ३० गते विवेक पराजुलीलाई संयोजक दिएको युवा समितिले शनिबार पूर्णता पाएको हो ।

नेपाली कांग्रेसको शुभेच्छुक संस्था नेपाल प्रजातान्त्रिक महासंघको युवा समितिको सह–संयोजकमा सुमन (चिरञ्जीवी) आचार्य र विनोद राई, सचिवमा गोपाल आचार्य, सह–सचिवमा रमेश खड्का र नवराज गुरुङ तथा कोषाध्यक्षमा कविता वन चयन भएको नेपाल प्रजातान्त्रिक महासंघका जिल्ला अध्यक्ष अनिल आचार्यले जानकारी दिए ।

वीपी स्मृती भवन दिक्तेलमा सभाषद सरस्वती वजिमयको प्रमुख आतिथ्यतामा समिति विस्तार गरिएको हो । विस्तार गरिएको समितिमा २२ सदस्य रहेको छ ।२०७७ पुस ४ गते साँझ ७ :३७ मा प्रकाशित