समायोजन खबर खोटाङ, खोटाङको हलेसी तुवाचुङ नगरपालिकाले कृषकलाई बीउबिजन तथा कृषि सामग्री वितरण गरेकोे छ । सुख्खा क्षेत्रका कृषकहरुको जीविकोपार्जनका लागि बीउबिजन तथा कृषि सामग्री वितरण गरेको हो ।

नगरपालिकाको विशेष अनुरोधमा एसडिसिको दुई करोड ४४ लाख वरावरको आर्थिक सहयोग तथा कारितास नेपाल र नवकिरण सेवा समाज नेपालको सहजिकरणमा २६ कार्तिकबाट अर्खौलेदेखी वितरण थालिएको कार्यक्रम अन्तर्गत शनिबार धितुङका ३४५ कृषकलाई बीउबिजन तथा सामग्री वितरण गरिएको नगरपालिकाले जनाएको छ ।

कृषकहरुलाई हिलटेक, प्लाष्टिक टनेल, सिड स्प्रे, हजारी र बीउबिजन वितरण गरिएको छ । त्यहाँका कृषकहरुलाई नगरप्रमुख इवन राई, उपप्रमुख विमला राई, वडाध्यक्ष लगायतले वितरण गरेका थिए । नगरपालिकाले ४ हजार ५३ घरपरिवारलाई बीउबिजन र कृषि सामगी वितरण गर्ने जनाएको छ ।
यो पनि पढ्नुहोस,कृषकलाई बीउबिजन र कृषि सामग्री

२०७७ मंसिर ६ गते साँझ ५ :४२ मा प्रकाशित