समायोजन खबर खोटाङ, पछिल्लो २४ घण्टामा नेपालमा २ हजार ९ सय ९ जनामा कोरोना संक्रमण भेटिएको छ । योसँगै नेपालमा कोरोना संक्रमितको कुल संख्या १ लाख ८८ हजार ८ सय ८३ पुगेको स्वाथ्य तथा जनसंख्या मन्त्रालयले जनाएको छ ।

मन्त्रालयका अनुसार आज देशभर ४ हजार ५ सय जना संक्रमणमुक्त भएका छन् । योसँगै हालसम्म १ लाख ५२ हजार ९ सय ८ पुगेको छ ।आज देशभर ३४ हजार ९ सय ५ जना सक्रिय संक्रमित छन् । स्वास्थ्य मन्त्रालयका अनुसार पछिल्लो २४ घन्टामा १८ जना कोरोना संक्रमितको मृत्यु भएको छ ।

योसँगै देशभर मृत्यु हुने संक्रमितको संख्या १ हजार ७० पुगेको छ । यस्तै,२४ घण्टामा काठमाडौं उपत्यकामा १ हजार ३३८ जनामा कोरोना पुष्टि भएको छ ।

स्वास्थ्य तथा जनसंख्या मन्त्रालयका अनुसार काठमाडौं उपत्यकाका तीन जिल्ला मध्ये काठमाडौंमा १ हजार ३० ललितपुरमा १८७ र भक्तपुरमा १२१ जनालाई कोरोना संक्रमण देखिएको छ ।२०७७ कार्तिक २१ गते साँझ ७ :१३ मा प्रकाशित