बाजुरा, १४ असार– बाजुराको बुढीगंगा नगरपालिकामा नेपाली कांग्रेस र नेकपा एमालेका कार्यकर्ताबीच कुटाकुट भएको छ ।

एमालेका कार्यकर्ताले बुढीगंगाकाको मेयरका लागि नेपाली कांग्रेसका उम्मेदवा दीपक शाहमाथि आक्रमण गरेपछि दुई दलका कार्यकर्ताबीच झडप भएको हो ।

एमाले कार्यकर्ताको आक्रमणबाट घाइते भएका मेयर उम्मेदवार शाहलाई उपचारका लागि बारबिस स्वास्थ्य चौकीमा भर्ना गरिएको छ ।

एमाले कार्यकर्ताले आफ्नो पार्टीका उम्मेदवारमाथि आक्रमण गरेपछि कांग्रेस कार्यकर्ता पनि प्रतिकारमा उत्रिएका थिए । कांग्रेस कार्यकर्ताले पनि बुढीगंगाका लागि एमाले उम्मेदवार रामवहादुर बानियामाथि आक्रमण गरेका छन् । कांग्रेस कार्यकर्ताको आक्रमणबाट एमाले उम्मेदवार पनि घाइते भएका छन् ।

घटनापछि त्यहाँको अवस्था तनावपूर्ण रहेको जनाइएको छ ।

@lokantar