समायोजन खबर खोटाङ, प्रदेश २ मा आइतबार थप ७८ जनामा कोरोना संक्रमण पुष्टि भएको छ । ७ महिलासहित ७८ जनामा संक्रमण पुष्टि भएको सामाजिक विकास मन्त्रालयले जनाएको छ ।

सबैभन्दा बढी संक्रमित सिराहा जिल्लामा देखा परेका छन् । सिराहामा ४ महिलासहित ५२ जना नयाँ संक्रमित देखापरेका छन् । सर्लाहीमा ९ जना, धनुषामा ८ जना, बारामा ४ जना, सप्तरी र महोत्तरीमा २र२ जना र रौतहटमा एक जना संक्रमित थपिएका छन् ।

यससँगै प्रदेश २ मा कुल संक्रमितको संख्या २ हजार ९ सय २ पुगेको छ । संक्रमितमध्ये १ सय ६० जना महिला छन् । आइतबारसम्म प्रदेश २ बाट ९ सय ५२ जना संक्रमित निको भएर घर फर्किसकेको सामाजिक विकास मन्त्रालयले जनाएको छ ।२०७७ असार ७ गते साँझ ७ : ०४ मा प्रकाशित