समायोजन खबर खोटाङ,
भीरबाट खस्दा खोटाङको केपिलासगढी गाउँपालिका–४ बाक्सिला डाँडागाउँका भल्दार भनिने मित्रकुमार राईको ज्यान गएको छ । गए राती केपिलासगढी गाउँपालिका–४ बाक्सिला र केपिलासगढी गाउँपालिका–३ बाँसपानीको सिमानामा पर्ने चोक्टेखा भीरबाट लडेर राईको ज्यान गएको हो ।

मादक पदार्थ सेवन गरेको अवस्थामा अन्दाजी ४०/४५ वर्षीय राईको बाक्सिला–बाँसपानी सडकको डिलबाट लडेर मृत्यु भएको हो । उनको शव सडकबाट करिब ७० मिटर तल फेला परेको स्थानीय ईखबहादुर राईले बताए ।
२०७६ फागुन ६ गते बिहान ११ :१५ मा प्रकाशित