समायोजन खबर खोटाङ,

खोटाङमा विभिन्न कार्यक्रम गरी ७० औं प्रजातन्त्र दिवस मनाउने तयारी गरिएको छ ।  जिल्ला समन्वय समिति खोटाङको अगुवाईमा जिल्लामा बिरामीलाई फलफुल वितरण, दिप प्रज्वलन, बजार परिक्रमा, बक्तृत्वकला प्रतियोगीता लगायतका कार्यक्रम गर्दै प्रजातन्त्र दिबस मनाउने तयारी गरिएको हो ।

सोमबार आयोजित बैठक अनुशार मंगलबार ४ बजे जिल्ला अस्पतालका बिरामीलाई फलफुल वितरण, बुधबार बिहान ७ बजे बजार परिक्रमा, मंगलबारदेखि बिहिबारसम्म सरकारी कार्यालय र नागरिक समाजकातर्फबाट दिप प्रज्वलन गर्ने निर्णय भएको जिल्ला समन्वय समिति खोटाङका प्रमुख बबी चाम्लिङले बताए ।

प्रजातन्त्र दिवसकै अवशरमा जिल्ला निर्वाचन कार्यालयले ‘निर्वाचन र लोकतन्त्र’ विषयक माबि स्तरिय बक्तृत्वकला प्रतियोगीता सञ्चालन गर्ने तयारी गरेको छ ।२००७ सालको क्रान्ति सफल भएर १०४ वर्षे लामो निरङ्कुश जहानीया राणा शासन अन्त्य भएको सम्झनामा हरेक फागुन ७ गते प्रजातन्त्र दिवस मनाइन्छ ।

२०७६ फागुन ६ गते बिहान ९ :०५ मा प्रकाशित