समायोजन खबर खोटाङ,
खोटाङको दिप्रुङ चुईचुम्मा गाउँपालिकाले आर्थिक वर्ष २०७५/०७६ मा भुक्तानीमा कडाई गरेर विभिन्न योजनाबाट २ करोड ६३ लाख ६० हजार २७५ रुपैयाँ सञ्चित कोषमा जम्मा गरेको छ ।

बुधबार गाउँपालिमा आर्थिक वर्ष २०७५/०७६ तथा २०७६/०७७ को हालसम्मको आयव्याय तथा प्रगतीको सार्वजनिक सुनुवाई कार्यक्रममा चालु खाताबाट १ करोड ४० लाख ३१२, केन्टेन्जेन्सीबाट २४ लाख ९९ हजार ८१० रुपैयाँ र पुँजीगत खाताबाट २ करोड ७२ लाख ५३ हजार ७७६ रुपैयाँ गरी ४ करोड ३७ लाख ५३ हजार ८९८ रुपैयाँ सञ्चित कोषमा जम्मा भएको जानकारी दिएको हो ।

प्रदेश सरकारबाट प्राप्त नभएको २३ लाख ४५ हजार ३७ रुपैयाँ र संघीय सरकारबाट प्राप्त नभएको १ करोड ४८ हजार ५८५ रुपैयाँको सट्टामा खर्च गर्दा पनि साँढे दुई करोडभन्दा बढि रकम सञ्चित कोषमा जम्मा भएको गाउँपालिका अध्यक्ष भुपेन्द्र राईले बताए । विभिन्न योजनामा हुने खर्चमा कडाई गरेर सञ्चित कोषमा जम्मा भएको रकम पुःन हिउँदे गाउँसभाबाट विनियोजन गरिने अध्यक्ष राईले बताए ।
२०७६ माघ ९ गते राती ८ :५७ मा प्रकाशित