राजन ठटाल खोटाङ,
खोटाङको दिक्तेल रुपाकोट मझुवागढी नगरपालिका–१५ का वडाअध्यक्ष बिरेन्द्र ढकाल बाख्रापालन गरेर आत्मानिर्भर बनेका छन् । ढकाल २०७२ सालदेखि व्यवस्थित तरिकाले कालिका बाख्रा फर्म दर्ता गरेर वाख्रापालन गर्दै आएका हुन् ।

वडाध्यक्ष ढकालले ४ वटा बोयर जातका बाख्रासहित ५५ वटा बाख्रा पालेका छन् । १ हजार बढी बाख्रा पु-र्याउने उनको लक्ष्य छ । ५ रोपनी जग्गामा बाख्राको लागि व्यवस्थित तरिकाले घास लगाएका छन् । ढकालले बाख्रा सहित ९ रोपनी जग्गामा केरा, अनारस, रुख कटहर पनि लगाएका छन् ।

नेपालमा राजनीति गरेर मात्र हुदैन राजनीति गर्न कुनै पेशा वा व्यवसाय आवश्यक पर्छ । यो भयो भने मात्र राजनीति गर्न सकिन्छ, नत्र राजनीतिकलाई सेवामा बद्ल्न सकिन्दैन । वडाध्यक्ष ढकालले आफ्नो अनुभव सुनाए । किनकी जनताको सेवाभन्दा बढि पैसामूखि हुने भएकाले राजनीतिकर्मीलाई कुन नै कुनै व्यवसाय चाहिन्छ ।

नेपाल कृषिप्रधान देश हो तर, पछिल्लो समय कृषी पेशालाई मान्छेले छोड्दै गए । म वडाको अविभावक भएकाले गर्दा पनि मैले गरेको कृषि पेशा देखेर वडाबासीहरुले बिभिन्न फर्म दर्ता गरि व्यवस्थित तरिकाले जिबिकोपार्जन गर्न थालेका छन् । बाख्रा पालन र फलफुल बेचेर बार्षिक १५ लाख भन्द बढि आम्दानी गर्ने गरेको ढकालले बताए ।
२०७६ पुस १४ गते मध्यान्ह १ :३७ मा प्रकाशित