समायोजन खबर खोटाङ,
मतदानको सुरक्षा संवेदनशिलतालाई ध्यानमा राखेर खोटाङको साकेला गाउँपालिका–३ खिदिमाको नाका ‘शिल’ गरिएको छ । शनिबार रिक्त वडाध्यक्षको पदपुर्तिका लागि हुन गइरहेको निर्वाचनको सुरक्षा संवेदनशीलतालाई ध्यानमा राखेर खिदिमाको चारैतर्फका गौंडा तथा नाकामा संयुक्त सुरक्षाकर्मी परिचालन गरिएको जिल्ला प्रहरी कार्यालय खोटाङका डिएसपी बामदेव गौतमले बताए ।

यो पनि

उपनिर्वाचन : नेकपा र कांग्रेसको विवाद सुल्झियो

खिदिमाको छिमेकी वडा तथा छिमेकी गाउँपालिकाबाट भित्रिने स्थानीयको आवत–जावतमा कडाई सुरु गरिएको छ । खिदिमामा हुने निर्वाचनको सुरक्षाका लागि भोजपुर र खोटाङको पानधारे, तावाभञ्ज्याङ, लिकुवापोखरी, मानेभञ्ज्याङ लगायतका नाकामा सुरक्षाकर्मी परिचालन गरिएको छ ।  यस्तै, मतदानस्थलको सुरक्षार्थ पनि छुट्टै सुरक्षाकर्मी परिचालन भएका छन् । उपनिर्वाचनका लागि खिदिमामा सिद्धेश्वरी माबिमा ‘क’ र ‘ख’ मतदान केन्द्र तोकिएका छन् ।
२०७६ मंसिर १३ गते साँझ ७ :५४ मा प्रकाशित