समायोजन खबर काठमाडौं,
यती एयरलाइन्सको विमान अवतरणका क्रममा त्रिभुवन अन्तर्रा्ष्ट्रिय विमानस्थलको धावनमार्गमा चिप्लिएको छ । नेपालगञ्जबाट यात्रु बोकेर आएको यती एयरलाइन्सको एटीआर–७२ को जहाज आज बिहान धावनमार्गमा चिप्लिएको हो ।

दुर्घटना हुँदा २ जना यात्रु घाइते भएका छन् । अवतरण गर्ने क्रममा रनवेबाट चिप्लिएर जहाज घाँसेचौरको १५ मिटर पर पुगेको थियो । जहाजमा चालक दलका ४ र यात्रु ६६ गरी ७० जना थिए । त्रिभुवन अन्तर्रा्िष्ट्रय विमानस्थलका अनुसार सबै यात्रुलाई सकुशल बाहिर निकालिएको छ । वर्षा जारी रहेकाले अवरुद्ध विमानस्थल सञ्चालनमा आउन केही समय लाग्ने बताइएको छ । जहाजका कारण विभिन्न गन्तव्यबाट आएका विमान नेपाली आकासमै होल्डमा परेका छन् ।
२०७६ असार २७ गते दिउँसो २ :५५ मा प्रकाशित