चिसाङ शेर्पा खोटाङ,
चार दिन अगाडी खोटाङ नेकपाका युवा उद्यमी कांग्रेसमा प्रवेश गरे । दिक्तेल रुपाकोट मझुवागढी नगरपालिका–२ हुर्लुङमा मिरमिरे मिनरल वाटर उद्योग सञ्चालन गरिरहेका पुर्व माओबादी निकट शेर्पा मुक्ती मोर्चाका जिल्ला अध्यक्ष फुर्वा शेर्पा गत आईतबार (माघ २०) कांग्रेसमा प्रवेश गरे ।

त्यसअघि दिप्रुङ चुइचुम्मा गाउँपालिकाबाट नयाँ शक्तिका वडाध्यक्षका उम्मेद्वारसहित सहित झण्डै दुइ दर्जनबढी नेकपाका कार्यकर्ता कांग्रेसमा प्रवेश गरे । वर्तमान अवस्थामा नेकपाको काम कारवाहीप्रती असन्तुष्ट र विपक्षी पार्टीको आस्था र विचार मन परेको भन्दै उनीहरुले पार्टी परित्याग गरेको बताएका थिए । पछिल्लो समयमा नेकपालाई कार्यकर्ताले कुन वेला पार्टी परित्याग गर्छन भन्नेमा दुविधा छ । देखिन्छ ?

यस्तै, बुधबार दिक्तेल रुपाकोट मझुवागढी नगरपालिका–५ लफ्याङका पुर्वगाबिस अध्यक्ष अञ्चल राई संघीय समाजबादी फोरममा प्रवेश गरेका छन् । नेकपामा क्रियासिल राई संघीय समाजबादी फोरममा प्रवेश गरेका हुन् । संघीय समाजबादी फोरमको दिक्तेलस्थित पार्टी कार्यालयमा भएको जिल्ला कमिटिको बैठकमा स्वास्थ्य मन्त्रीका प्रमुख सल्लाहकार डा. केके राईले अञ्चललाई पार्टी प्रवेश गराएका छन् ।

२०४९ सालमा तत्कालिन कांग्रेसेबाट गाबिस अध्यक्ष बनेर २०५४ देखी एमालेमा रहेका अञ्चल, पुर्वमाओबादी निकट जनप्रगतिशिल मञ्च बहराईनका पुर्वसंयोजक नगेन्द्रराज चामलीङ र चाम्लिङ खाम्मात्तिम जिल्ला अध्यक्ष तथा पुर्व शिक्षक संघका जिल्ला सदस्य रामधन राई पार्टी प्रवेश गरेको संघीय समाजबादी फोरम खोटाङका कोषाध्यक्ष निर्मल राईले बताए ।

पुर्वगाबिस अध्यक्ष अञ्चल राई २०४९ सालमा तत्कालिन कांग्रेसेबाट गाबिस अध्यक्ष बनेको हुनुपर्नेमा अन्यथा भएकाले सच्याइएको छ ।

२०७५ माघ २३ गते राती ८ बजे प्रकाशित