समायोजन खबर तेह्रथुम
लालीगुराँस नगरपालिकाले एम्बुलेन्स नगर बस सञ्चालनको तयारी गरेको छ । गाउँका नागरिकहरुलाई सेवा दिने उदेश्यका साथ नगरपालिकाले नगरबस सञ्चालनको तयारी गरेको नगर प्रमुख अर्जनु माबोहाङले बताउनुभयो । उहाँका अनुसार ग्रामिण क्षेत्रका नागरिकहरुको समस्यालाई मध्यनजर गर्दै पहिलो पटक नगर बस सञ्चालनकालागि आवश्यक काम भईरहेको छ ।

बस सञ्चालनले यातायातको सुबिधाबाट बञ्चीत रहँदै आएका नगर क्षेत्रका नागरिकहरुलाई यात्रा गर्न सहजतासँगै स्थानीय स्तरमा उत्पादन भएको कृषीजन्य बस्तु बजार पु-याउन समेत सहज मिल्ने भएको नगरपालिकाका प्रवक्ता देबेन्द्र खड्काले बताउनुभयो । नगरपालिकाको आर्थीक बर्ष २०७४/७५ को नगरसभाले ४५ लाख बिनीयोजन सँगै बस सञ्चालनका लागी टेन्डर समेत आब्हान भईसकेकोे नगरपालिकाका प्रबक्ता खड्काले बताउनुभयो । नगरको दाँगपा, फुलेक, मुसङखेल, सुङनाम सोल्माका दुर्गम गाउँहरुमा नगरबसले सेवा दिने भएको हो ।
२०७५ माघ ५ गते दिउँसो ४ : १८ मा प्रकाशित