चिसाङ शेर्पा खोटाङ,
ज्यान मार्ने उधोगको मुद्दामा फरार रहेका अभियुक्त चार वर्षपछि जेल चलान भएका छन् । दिक्तेल रुपाकोट मझुवागढी नगरपालिका–८ चिउरीडाँडाका प्रभाकार राई मंगलबार जेल चलान भएका छन् ।

जिल्ला अदालत खोटाङबाट २०७१ पुस ८ गते फैसला भई ५ हजार १ सय जरिवाना, ३ वर्ष ११ महिना ३ दिन कैद फैसला सुनाइएका अभियुक्त लामो समय फरार रहेका थिए । लुकीछिपी भक्तपुरको सानोठिमी बस्दै आएका उनलाई गत आईतबार पक्राउ गरिएको जिल्ला प्रहरी कार्यालय खोटाङका प्रहरी निरिक्षक केशव कट्वालले जानकारी दिए ।

आईतबार पक्राउ गरी सोमबार जिल्ला प्रहरी कार्यालय दिक्तेल ल्याई आज जिल्ला अदालतमा पेशगरी फरार अभियुक्तलाई कैद भुक्तानका लागि कारागार चलान गरिएको प्रहरीले जनाएको छ ।
२०७५ मंसिर ११ गते राती ८ः०३ मा प्रकाशित