समायोजन खबर खोटाङ,
टोकियो ओलम्पिक महिला फुटबलका लागि म्यानमारमा जारी एसियन छनोट अन्तर्गत समूह चरणको अन्तिम खेलमा नेपालले बंगलादेशसंग बराबरी खेलेको छ । आज भएको खेलमा नेपालले बंगलादेशसंग १–१ गोलको बराबरी खेलेको हो ।

याङगोनस्थित थुनुवा रंगशालामा अन्तिम समय सम्हालिन नसक्दा नेपालले बराबरी खेलेको हो । खेलमा सुरुवाती अग्रता भने नेपालले बनाएको थियो । खेलको १६ औं मिनेटमा कप्तान निरु थापाले गोल गर्दै नेपाललाई सुरुवाती अग्रता दिलाउनुभएको थियो । तर, खेलको इन्जुरी समयमा बंगलादेशका अखिल खातुनले गोल गर्दै खेल १, १ को बराबरीमा ल्याउनुभयो ।
२०७५ कार्तिक २७ गते राती ८  :१७ मा प्रकाशित