चिसाङ शेर्पा खोटाङ,
जिल्ला प्रहरी कार्यालय खोटाङ र ऐसेलखर्क गाउँपालिकाविच ‘समुदाय प्रहरी साझेदारी’ कार्यक्रम सम्झौता भएको छ । गाउँपालिकाभित्र शान्ती सुरक्षा कायम गर्ने र अपराध रहित समाजको निर्माण गर्ने उद्देश्यले सम्झौता गरिएको हो ।

नेपाल सरकारले तय गरेको कार्यक्रम अन्तरगत जिल्ला प्रहरी कार्यालयमा मंगलबार गाउँपालिका अध्यक्ष बिश्वनाथ निरौला र जिल्ला प्रहरी कार्यालय खोटाङका डिएसपी राजकुमार केसीले सम्झौता पत्रमा हस्ताक्षर गरेका छन् । सम्झौता भएसँगै केही समयबाट प्रभावकारी र रचनात्मक ढंगले धमाधम ‘समुदाय प्रहरी साझेदारी’ कार्यक्रम गरिने डिएसपी केसीले जानकारी दिए ।

यसअघि प्रहरीले हलेसी तुवाचुङ नगरपालिकासँग सोही कार्यक्रम सम्झौता गरिसकेको छ । क्रमशः अन्य ८ वटा स्थानीय तहमा पनि कार्यक्रम सम्झौता हुनेछ । कार्यक्रममा स्थानीय तह र प्रहरीले हातेमालो गर्दै विद्धालय, वडा, टोल टोलमा, लैगिक हिंसा, लागुपदार्थ दुव्र्यसनी, साइबर अपराध लगायतका विषयमा सचेतनामूलक कार्यक्रम गर्नेछ ।
२०७५ कार्तिक २७ गते साँझ ७  : ४९ मा प्रकाशित