चिसाङ शेर्पा खोटाङ,
जिल्लको लिच्कीराम्चे पूर्ण सरसफाई उन्मुख वडा घोषणा भएको छ । ‘पूर्ण सरसफाई उन्मुख गाउँ शहर अब कसैलाई छैन रोगको डर’ भन्ने मुलनाराका साथमा खोटेहाङ गाउँपालिकाको वडा नम्बर ९ लिच्कीराम्चेलाई तेश्रो पूर्ण सरसफाई उन्मुख वडा घोषणा गरिएको हो । जनसेवा समाज नेपालद्धारा सन्चालित सवल परियोजनाको प्राविधिक सहयोग, वडा स्तरीय खानेपानी तथा स्वच्छता समन्वय समिति र वडा कार्यालयको आयोजनामा सोमबार खोटेहाङ गाउँपालिकाका अध्यक्ष प्रदिप राईले पूर्ण सरसफाई उन्मुख वडा घोषणा गर्नु भएको छ ।

वडामा रहेको ६ सय ३२ घरधुरीले सुरक्षित चर्पीको प्रयोग, व्यक्तिगत सरसफाई, सुरक्षित खानेपानी, सुरक्षित खाना खादै आएको, घरायसी तथा संस्थागत सरसफाई र वातावरणीय सरसफाईसहित नेपाल सरकारले निर्धारण गरेको ६ सुचाङ्कहरु पुरा भएपछि पूर्ण सरसफाई उन्मुख वडा घोषणा गरिएको लिच्कीराम्चेका वडाध्यक्ष गोपीकृष्ण राईले बताए । यसअघि वडा नम्बर ६ ईन्दे्रणीपोखरी र वडा नम्बर ३ सावाकटहरेलाई पूर्ण सरसफाई उन्मुख वडा घोषणा गरिएको थियो ।
क्याप्सनः पूर्ण सरसफाई उन्मुख वडा घोषणा गर्नुहुंदै गाउँपालिका प्रमुख राई, तस्विर समायोजन खबर, २०७५ असोज २३ बिहान ९ : १३ मा प्रकाशित