ओम प्रकास घिमिरे,

धैरै पहिलेको कुरा हो,
परेवाको खुट्टामा
बाधिएर देश बिदेश दौडिन्थ्यो ।
आमाका आशु बोकेर परदेश जान्थ्यो
छोराका दु :ख लिएर देश फर्कन्थ्यो
कागलाइ अघि अघि लगाएर आफू
पछि पछि आइपुग्थ्यो
कहिले सुन्दर हाँसो बनेर
सबैको घर घर चार्हाथ्यो
कहिले

आँसुको पोखरी बनेर
धागोमा जेलिएर आउथ्यो ।
यसरी खाम खबर बोकेर
आउथ्यो आइरहन्थ्यो
जान्थ्यो गै रहन्थ्यो ।
देशका खबर बिदेश सम्म
सहरका हल्ला गाउ सम्म
उ एक्लै बोकेर दौडिरहन्थ्यो ।

समय फेरिएपछी
अचेल खाम
गाउ देखी शहर सम्म
संभ्रान्त देखी सामान्य सम्म
सबै भद्र भलादमीको
महाङगो कोटको
खल्तीमा बस्छ
र पुग्छ
बिहे, छेवर, ब्रतबन्ध, गुन्यु चोली
थरीथरीका
यि पार्टी भोजहरुमा

र
गोप्यतामा राखिदिन्छ इज्जत
र हस्तान्तरित हुन्छ ऊ ।
अचेल खाम भला मान्छेहरुको
इज्जत ढाकिदिने गतिलो
बस्त्र भएको छ ।

रु १ मा खरिद गर्नोस र बोकिरहनुस खल्तिमा
तपाइलाइ पनि,
अभरमा काम दिन सक्छ ।
२०७५ भदौ ९ गते मध्यान्ह २ : २६ मा प्रकाशित