समायोजन खबर खोटाङ, राष्ट्रिय परिवर्तन पार्टीले खोटाङबाट प्रतिनिधिसभाको उम्मेदवार घोषणा गरेको छ।

उक्त पार्टीले दिक्तेलको हेलिप्याडमा शुक्रबार पार्टी घोषणा सभामा हलेसी तुवाचुङ नगरपालिका–५ दुर्छिमका २५ वर्षीय मिरेस राईलाई उम्मेदवार घोषणा गरेका हुन्।

आगामी फागुन २१ गते हुने प्रतिनिसभा निर्वाचनका लागि मिरेसलाई र्निविवाद उम्मेद्वार घोषणा गरिएको राष्ट्रिय परिवर्तन पार्टी जिल्ला कमिटी खोटाङका अध्यक्ष तप्सेन राईले जानकारी दिनुभयो।

उम्मेदवार घोषणा गरिएका मिरेस प्रखर वाककला भएका व्यक्ति हुन्। उनी महेन्द्ररत्न क्याम्पस ताहचल काठमाण्डौमा स्नातक तहमा अध्ययनरत छन्।

अध्यक्ष राजेश पटेल रहेको पार्टीलाई जेनजी युनाइटेड मुभमेन्टले समर्थन गरेपछि खोटाङमा पार्टी घोषणा गरिएको हो। पटेल गत २४ भदौमा जेनजी आन्दोलनका क्रममा घाइते भएका व्यक्ति हुन्।

उम्मेदवार घोषणा अघि पार्टीको चुनाव चिन्ह बाँसुरीसहित रत्नापर्कदेखी त्रिवेणीचोक, हेलिप्याडसम्म ¥याली निकालिएको थियो। यो पार्टीले समानुपातिक उम्मेदवर घोषणा गर्न बाँकी राखेको छ। उक्त पार्टीले प्रत्यक्ष राष्ट्रपति प्रणाली, शुन्य भ्रष्टाचार लगायतका सातवटा प्रमुख एजेण्डा अघि सारेका छन्।