समायोजन खबर खोटाङ, खोटाङमा मोटरसाइकलको चक्कामा खुट्टा छिर्दा महिलाको खुट्टा भाँचिएको छ।

ऐसेलुखर्कबाट लामिडाँडा जाँदै गरेको बा ९७ प ९३९५ नम्बरको मोटरसाइकलमा पछाडी बसेर यात्रा गर्ने क्रममा मंगलबार बिहान ९ बजेर ४५ मिनेट जाँदा रावाबेशी गाउँपालिका–६ हौचुुरकी ५५ वर्षीया भगवती परियारको दाहिने खुट्टा भाँचिएको हो।

मोटरसाइकल दिक्तेल रुपाकोट मझुवागढी नगरपालिका–१२ जालपाका २८ वर्षीय मनोज महराले चलाएका थिए। मोटसाइकलमा पछाडी बसेर यात्रा गर्ने क्रममा कुभिण्डेस्थित हरमटारमा उक्त घट्ना घटेको प्रहरीले जनाएको छ।

खुट्टा भाँचिएर घाइते भएकी परियारको हरमटारस्थित स्वास्थ्य केन्द्रमा सामान्य उपचार पश्चात बिहान ११ बजे मोटरसाइकल चालक आफैले थप उपचारका लागि ट्रमा सेन्टर काठमाण्डौ लगेका छन्।घाईतेको अवस्था मध्यम छ। मोटरसाइकल प्रहरी चौकी हरमटारको नियन्त्रणमा छ।