समायोजन खबर खोटाङ, खोटाङको दिप्रुङ चुइचुम्मा गाउँपालिका–५ स–छितापोखरीस्थित पञ्चमीका २३ वर्षीय खड्क बहादुर श्रेष्ठको मृत्यु भएको छ।

गाईवस्तु चराउन भनि आईतबार घरबाट गएका श्रेष्ठ घरदेखि अन्दाजी सय मिटर उत्तरमा रहेको कुलोमा लड्दा टाउको पानीमा डुबेको अवस्थामा फेला परेका थिए।

श्रेष्ठलाई स्थानीयले डुबेको अवस्थामा देखेपछि घर लगि राखिएको भन्ने खबर प्रहरी चौकी दिप्रुङ चुईचुम्मामा जानकारी आएपछि प्रहरी खटि गई स्वास्थ्यकर्मीलाई बोलाएर स्वास्थ्य चेकजाँच गर्दा उनको मृत्यु भईसकेको जानकारी आएको प्रहरीले जनाएको छ।

श्रेष्ठ क्षारे रोग(मृगी रोग)बाट पीडित रहेका थिए।