समायोजन खबर खोटाङ, खोटाङमा बार्दलीबाट लडेर गम्भीर घाईते भएकी बालिकाको उपचारमा लैजादै गर्दा मृत्यु भएको छ।

दिक्तेल रुपाकोट मझुवागढी नगरपालिका–१५ विजयखर्कका अशोक पोखरेलको २१ महिनाका छोरी अनुपोयाको मृत्यु भएको हो।

दिक्तेलको रत्नपार्कस्थित मान कुमारी राईको घरमा डेरा गरी बसेको अवस्थामा शुक्रबार साँझ ६ः१५ बजे बार्दलीबाट लडेका अनुपोयालाई तत्काल जिल्ला अस्पतालमा उपचारमा लगिएको थियो।

लडेर गम्भीर भएकी अनुपोयालाई थप उपचारका लागि राती ८ बजे मामा विष्णुप्रसाद ढुङगानाले सुमोमार्फत अन्नपूर्ण अस्पताल काठमाण्डौ लैजादै गर्दा राती १२ बजे जयरामघाट पुग्दा बालिकाको मृत्यु भएको जिल्ला प्रहरी कार्यालय खोटाङले जनाएको छ।

बालिकाको शबलाई जिल्ला अस्पताल ल्याई कानुनी प्रक्रिया सुरु गरिएको छ।