समायोजन खबर खोटाङ, खोटाङ प्राकृतिक प्रकोप सहयोग कोषले अग्नी पीडित १० परिवारलाई राहत रकम प्रदान गरेको छ।

आगलागीबाट पूर्ण क्षति व्यहोरेका हलेसी तुवाचुङ नगरपालिका–२ डिकुवा बागखोरका अदम राई, नगेन्द्र राई, सम्बर राई, पविन्द्र राई, कृष्ण बहादुर राई, चयन राई, हिराधन राई र टंक बहादुर राईलाई १० हजारका दरले शुक्रबार राहत प्रदान गरेको हो।

आंशिक क्षति भएका कृष्ण बहादुर राई र छोटा राईलाई ५ हजारका दरले राहत प्रदान गरिएको खोटाङ प्राकृतिक प्रकोप सहयोग कोषका कोषाध्यक्ष युगसन किरातले जानकारी दिए।

राहत रकम डिकुवाका वडाध्यक्ष देबेन्द्र राई र कोषका अध्यक्ष भोगेन राईले हस्तान्तरण गरेका छन्।