समायोजन खबर खोटाङ, सुमो र मोटरसाईकल ठोक्किएर दुर्घट्नामा परेका घाईतेलाई काठमाण्डौ पठाईएको छ।

दिक्तेल रुपाकोट मझुवागढी नगरपालिका–१० पाथेकाका मोटरसाइकल चालक ४५ वर्षीय मदन कुमार गिरी र उनका पछाडी बस्ने सोही ठाउँका ५६ वर्षीय लक्ष्मी प्रसाद गिरीलाई थप उपचारका लागि काठमाण्डौ पठाईएको हो।

मंगलबार बिहान मध्यपहाडी लोकमार्गको नुनथलास्थित पानीट्याङकी अगाडी दिक्तेलतर्फ आउदै गरेको ना १ ज ६२१९ नम्बरको सुमो र विपरीत दिशाबाट जाँदै गरेको बा ९३ प १९१३ नम्बरको मोटरसाईकल एकआपसमा ठोक्किदा उनीहरु घाईते भएका थिए।

घाईतेको जिल्ला अस्पतालमा हुने उपचारपछि थप उपचारको लागि काठमाण्डौ पठाईएको जिल्ला अस्पतालका निमित्त प्रमुख रुपेश संग्रौलाले बताए।