समायोजन खबर खोटाङ, खोटाङको हलेसी तुवाचुङ नगरपालिका–७ महादेवस्थानस्थित हलेसीबजारमा लागेको आगो नियन्त्रणमा आएको छ।

फागुन ४ गते अन्दाजी साँझ ७ बजे स्थानीय पदमशेर राईको हार्डवयर पसलमा एक्कासी लागेको आगो राती करीव ९ बजे नियन्त्रणमा आएको महादेवस्थानका वडाध्यक्ष कमल गिरीले जानकारी दिए।

पदमशेरको घरबाट सुरु भएको आगोले छिमेकी अ‍ैराख राई र प्रकाशचन्द्र गिरीको घर पुर्णरुपमा जलेको छ। पदमशेरले पुजा स्टोर नामको हार्डवयर पसल, प्रकाशचन्द्रले हलेसी दर्शन होटल र अ‍ैराखले कल्याण होटल सञ्चालन गर्दै आएका थिए। तीनैवटा घर पूर्णरुपमा जलेर नष्ट भएको छ।

नेपाल प्रहरी, शसस्त्र प्रहरी, हलेसी तुवाचुङ नगरपालिकाका नगर प्रहरी, स्थानीयले जेसिभी, ट्याक्टर, ट्याङकरको सहायतामा आगो नियन्त्रणमा लिएको हो। दमकल नहुँदा र पानीको अभावमा आगो निभाउन सकस भएको थियो

आगो नियन्त्रणमा आएकाले खतरामुक्त भईएको हलेसी तुवाचुङ नगरपालिकाका मेयर विमला राईले बताउनुभया। आगलागीबाट भौतिक आर्थिक गरी करोडौको क्षति भएको छ। मानवीय क्षति भएको छैन।