समायोजन खबर खोटाङ, खोटाङको दिक्तेल रुपाकोट मझुवागढी नगरपालिका–११ खार्मी तुर्खाका शिवनाथ राईको घरमा विद्युत सर्ट भई आगलागी भएको छ।

पुस ८ गते राती ८ः३० बजे ढुंगा,माटो, काठ र खरको छानो भएको दुईतल्ले घरमा आगलागी हुँदा दुई लाख ५० हजारको क्षति भएको प्रहरीले जनाएको छ।

आगलागीबाट घरभित्र रहेको अन्नपात, लत्ताकपडा, भाडाकुडा पूर्णरुपमा जलेको छ। आगोलाई स्थानीयवासीले दुई घण्टापछि नियन्त्रणमा लिएको थियो।