समायोजन खबर खोटाङ, समाजसेवी गोपाल सैंजुले दिक्तेलको पोखरीमा अवस्थित सरस्वती आधारभूत विद्यालयलाई आर्थिक सहयोग गर्ने घोषणा गरेका छन्।

विद्यालयमा कुनै पनि निकायबाट सहयोग नभएकाले आफैबाट सहयोगको सुरुवात गर्दै वार्षिक रुपमा २५ हजार दिने घोषणा गरेका हुन्।
आफ्नो सानो सहयोगले विधार्थीहरुको मनोवल बढेर भविष्य उज्ज्वल हुनेमा आफू विस्वस्त रहेको सैंजु बताउँछन्। उनी सोही विद्यालयका पूर्व विधार्थी हुन्।

दिक्तेलबजारका स्थानीय सैंजुले असार १३ गते बिद्यालयका लागि ६० थान ट्रयाकसुट, तीनवटा भलिवल, दुईवटा फुटबल, एक–एक थान भलिवल नेट र पम्प निशुल्क दिंदै विद्यालयलाई वार्षिक रुपमा २५ हजार दिने घोषणा गरेका हुन्।