समायोजन खबर खोटाङ,ओखलढुंगाको सिद्धिचरण नगरपालिका–१० बेतेनीमा आगलागीमा परि आमा छोराको ज्यान गएको छ।

आज अपरान्ह ३ बजे आगलागीमा परि करिब ५५ वर्षिय पुन्यकुमारी धमला र उहाँका छोरा करिब १६ वर्षिय कन्चन धमलाको ज्यान गएको हो।

बाहुनडाँडा कोल पाखाको निजी खरबारीमा राखिएको खर घाँस आगेबाट जोगाउने क्रममा आगोले जलेर आमा छोराको ज्यान गएको जिल्ला प्रहरी कार्यालय ओखलढुंगाका प्रहरी निरीक्षक बालिस्टार सिंहले जानकारी दिनुभएको छ।

घटना स्थलमा प्रहरी पुगेर थप अनुसन्धान गरिरहेको उहाँले बताउनुभएको छ।