समायोजन खबर खोटाङ, खोटाङमा गत साउनेदेखि बैशाखसम्म आगलागीबाट ४ करोड बढीको क्षति भएको छ।

आर्थिक वर्ष २०८० साउन महिनादेसख २०८१ बैशाख १२ गतेसम्म आगलागीबाट ४ करोड ९ लाख २२ हजार ६०० को क्षति भएको हो।

प्रहरीका अनुसार १०८ स्थानमा आगलागी(डढेलो) लागेको छ । आगोबाट ४६ वटा गोठ, ६४ वटा घर पूर्णरुपमा जलेर नष्ट भएको छ।

आगलागीबाट १७५ वटा चौपाया र १९५ पंक्षिमा क्षति पुग्दा ६ जना मानिस आगलागीबाट घाईते भएका छन्। डढेलोबाट रावावेंशी गाउँपालिका–१ कुभिण्डे हरमटारका ८५ वर्षीय सिद्धि बहादुर श्रेष्ठको जलेर मृत्यु भएको छ।

बैशाख १२ गते मैनचौर सामुदायिक वनको झिक्रा तथा पत्करमा लगाएको डढेलो अनियन्त्रित भएपछि निभाउने क्रममा श्रेष्ठको जलेर मृत्यु भएको प्रहरीले जनाएको छ।