समायोजन खबर खोटाङ, खोटाङको हलेसी तुवाचुङ नगरपालिका–११ राजापानीको मानदातास्थित महनकला सामुदायिक वनमा लागेको डढेलोले गोठ, भान्सा घर र ६ वटा गाई जलेर नष्ट भएको छ।

आईतबार अपरान्ह ३ बजे वनमा लागेको डढेलो अनियन्त्रित हुँदा सोही ठाउँकी अम्बिका कार्कीको खरको छानो भएको एकवटा गोठ, टिनको छानो भएको एकवटा भान्सा घरमा आगलागी हुँदा गोठमा बाँधेको ६ वटा गाई जलेर नष्ट भएको प्रहरीले जनाएको छ।

गोठ, गाई, भान्सा घर र भान्सा घरभित्र रहेको अन्नपात, भाडावर्तन पूर्णरुपमा जलेर नष्ट हुँदा अन्दाजी पाँच लाख वरावरको क्षति भएको खोटाङका डिएसपी पुरुषोत्तम खड्काले बताए।

आगोलाई स्थानीय र प्रहरीले साँझ ६:३० पूर्ण रुपमा निन्त्रणमा लिएको थियो। आगलागीवाट मानवीय क्षति पुगेको छैन।