समायोजन खबर खोटाङ, खोटाङको वराहपोखरी गाउँपालिका–४ फाक्टाङका ५८ वर्षीय राम बहादुर राईको भिरबाट लडेर मृत्यु भएको छ।

सोही ठाउँमा रहेको ससुराली घरमा बैशाख ५ गते पास्नी भोज खाई घर फर्कने क्रममा अपरान्ह ३ बजे फाक्टाङ र पौवासेराको सिमाना बेतुवा खोलाको भिरबाट लडेर राईको मृत्यु भएको प्रहरीले जनाएको छ।

राई लडेर मृत अवस्थामा रहेको खबर प्रहरी चौकी हुक्नाजोरमा आएपछि हुक्नाजोर र इलाका प्रहरी कार्यालय खोटाङबजारबाट खटेको प्रहरीले घट्नास्थलको थप अनुसन्धान र कानुनि प्रक्रिया पूरा गरी शवलाई पोष्टमार्टम गर्न उदयपुरको स्वास्थ्य चौकी बेलटार पठाएको छ।