समायोजन खबर खोटाङ, बजेट सुनिश्चित नहुँदा राष्ट्रपति रनिङ शिल्ड जिल्ला छनौट प्रतियोगिता अनिश्चित भएको छ।

कोशी प्रदेश खेलकुद विकास वोर्डबाट विनियोजन हुने बजेटमा केही ढिलाई हुने भएपछि राष्ट्रपति रनिङ शिल्ड जिल्ला छनौट प्रतियोगिता अनिश्चित भएको जिल्ला खेलकुद विकास समिति खोटाङका कार्यालय प्रमुख लिलाभक्त केसीले बताए।

जिल्लास्तरीय राष्ट्रपति रनिङ शिल्ड प्रतियोगिता व्यवस्थापन तथा निर्देशन समितिले गत माघ ११ गते वैठक बसेर माघ २७, २८ र २९ गते जिल्ला छनौट प्रतियोगिता गराउने निर्णय गरेको थियो। तर, बजेट विनियोजनमा ढिलाई भएपछि माघ १९ गते राष्ट्रपति रनिङ शिल्ड जिल्ला छनौट प्रतियोगिता स्थगित भएको सूचना दशवटै स्थानीय तहलाई पठाईएको छ।

यतिवेला जिल्लाको दुई नगरपालिका र आठ गाउँपालिकामा अन्तर मावि राष्ट्रपति रनिङ शिल्ड प्रतियोगिताहरु भईरहेको छ। अधिकांश स्थानीय तहहरुले प्रतियोगिता नै सम्पन्न गरिसकेको छ।