समायोजन खबर खोटाङ, जिल्ला प्रहरी कार्यालय खोटाङले खोटाङमा पनि भूकम्पबाट क्षति भएको भए खबर गर्न आग्रह गरेको छ।

हिजो राती ११ः४६ बजे जाजरकोट केन्द्रबिन्दु बनाई गएको ६.४ म्याग्निच्युडको भूकम्पमा जाजरकोट र रुकुममा ठुलो धनजनको क्षति भएपछि प्रहरीले शनिबार बिहान ७ बजे अफिसियल फेसबुकमार्फत सूचना जारी गर्दै खोटाङमा पनि भूकम्पबाट क्षति भएको भए खबर गर्न भनेको हो।

जिल्लामा पनि भुकम्पले कुनै प्रकारको मानविय तथा धनजनको क्षति भएमा नजिकको प्रहरी कार्यालय तथा जिल्ला प्रहरी कार्यालय खोटाङमा सम्पर्क गर्न जिल्ला प्रहरी कार्यालय खोटाङ हार्दिक अनुरोध गर्दछ। सूचनामा भनिएको छ।