समायोजन खबर खोटाङ, राष्ट्रिय वाणिज्य बैंक लिमिटेड दिक्तेल शाखाको एटिएम मेशिन बिग्रदा सेवाग्राही सेवा लिनबाट बञ्चित भएका छन्।

महिना दिन अघिबाट बिग्रिएको एटिएम मेशिन पटक–पटक बनाउँदा पनि नबनेपछि सेवाग्राहीले शास्ती खेप्नु परेको छ।
एटिएमबाट पैसा निकाल्न आएका सेवाग्राहीहरु दुःख पाउँदै अन्य बैंकको एटिएम प्रयोग गर्न बाध्य छन् । अन्य बैंकको एटिएमदेखि पैसा निकाल्दा प्रतिपटक १५ देखि २० रुपैयाँसम्म खर्च हुने गरेको छ।

महिना दिनअघिबाट बिग्रिएको एटिएम मेशिन छ पटक ईन्जिनियर बोलाएर बनाउँन लगाउँदा पनि बन्न नसेको बैंकका शाखा प्रवन्धक राम कुमार आचार्यले बताए।

फेरी एटिएम बनाउँन आज (शुक्रबार) ईन्जिनियरहरु दिक्तेल आएका छन्। भोली बन्छ भनेका छन्। चाडपर्व नजिक आईसक्यो। आचार्यले भने,, ‘यदि भोली पनि एटिएम नबनेमा मुडेस्थित आर्मी व्यारेकमा भएको एटिएम मेशिन नै ल्याएर राख्छौ।’