समायोजन खबर खोटाङ, खोटाङको ऐसेलुखर्क गाउँपालिका र रावाबेसी गाउँपालिका जोड्ने माक्पा-दुबेकोल सडक अवरुद्ध भएको छ।

शुक्रवार राति परेको अविरल वर्षाका कारण भिरपानीमा पहिरो खस्दा ऐसेलुखर्क गाउँपालिका–७ माक्पा र रावाबेसी गाउँपालिका–५ दुबेकोल जोड्ने सडक अवरुद्ध भएको हो।

सडकमा पहिरो खसेपछि गाडी आवागमन ठप्प भएको छ। सडकमा खसेको पहिरो स्थानीयको सहयोगमा पन्छाउने काम भइरहेको ऐँसेलुखर्क गाउँपालिका–७ माक्पाका वडाध्यक्ष अरुण राईले बताए।

तीनरचार घण्टामा जीप र बेलुकासम्ममा बस आवतजावत गर्न सक्ने गरी सडक सञ्चालनमा ल्याउने काम भइरहेको वडाध्यक्ष राईको भनाई छ। सडकमा ठूलाठूला ढुङ्गा थुप्रिएकाले पहिरो हटाउन समय लाग्ने राईले बताए।