समायोजन खबर,भोजपुरका लागि उडेको नेपाल एयरलाइन्सको जहाज काठमाडौं फिर्ता भएको छ। आज बिहान ६ बजेर ३३ मिनेटमा काठमाडौंबाट उडेको जहाज ६ माइल टाढा पुगेपछि काठमाडौंमै फिर्ता भएको हो।

ककपिटको दाहिनेतिरको ढोकामा समस्या देखिएपछि काठमाडौं फर्काइएको त्रिभुवन अन्तर्राष्ट्रिय विमानस्थल कार्यालयका निर्देशक टेकनाथ सिटौलाले बताउनुभयो। १६ जना यात्रु लिएर उडेको जहाजको चेकजाँचपछि फेरि भोजपुर पठाइने छ।