समायोजन खबर खोटाङ, खोटाङमा एसईई परीक्षामा अर्कैको नामबाट परीक्षा दिने नक्कली परीक्षार्थीलाई प्रहरीले नियन्त्रणमा लिएको छ।

हलेसी तुवाचुङ नगरपालिका वडा नम्बर-४ बडहरेस्थित लक्ष्मी मावि केन्द्रबाट परीक्षा दिइरहेका नक्कली परीक्षार्थी सोही ठाउँका २१ वर्षीय राम राई पक्राउ परेका हुन्।

बडहरेकै २६ वर्षका श्यामराज राईको नाममा उनले परीक्षा दिएको पाइएपछि उनलाई नियन्त्रणमा लिइएको प्रहरीले जनाएको छ। सक्कली परीक्षार्थी श्यामराजले रामलाई परीक्षार्थी बनाएर परीक्षा दिन लगाएको खुलेको केन्द्राध्यक्ष नयन कुमार राईले जानकारी दिए।

नियन्त्रणमा लिईएको नक्कली परीक्षार्थीमाथि अनुसन्धान सुरु भएको जिल्ला प्रहरी कार्यालयका प्रमुख प्रहरी नायब उपरिक्षक मञ्जिल मुकारुङले जानकारी दिए। १७ चैतबाट एसईई पररीक्षा चलिरहेको छ । जिल्लामा तीन हजार ३५४ जना विधार्थीले २३ परीक्षा केन्द्रबाट एसईई दिईरहेका छन्।

रेगुलरतर्फ तीन हजार २८५ जना, प्राविधिक धारतर्फ ११७ जना र ग्रेड बृद्धितर्फ ६९ जनाले एसईई परीक्षा दिईरहेकोे शिक्षा विकास तथा समन्वय इकाई दिक्तेलका प्रमुख व्रिजकिशोर प्रसाद साहले बताए।