समायोजन खबर खोटाङ, नगरपालिका संघको कोषाध्यक्षमा खोटाङको हलेसी तुवाचुङ नगरपालिकाका मेयर विमला राई चयन हुनुभएको छ। काठमाण्डौमा सम्पन्न संघको आठौं महाधिवेशनबाट राई कोषाध्यक्षमा सर्वसम्मत चयन हुनुभएको हो।

जिल्लाकै पहिलो महिला मेयर राई नेपाली कांग्रेसबाट निर्वाचित मेयर हुन्।

४३ सदस्यीय कार्य समितिको अध्यक्षमा धादिङको निलकण्ठ नगरपालिकाका मेयर भीम ढुंगाना सर्वसम्मत चयन हुनु भएको छ। उहाँ नेपाली कांग्रेसका तर्फबाट निर्वाचित नगरप्रमुख हुनुहुन्छ।

उपाध्यक्षमा नेकपा माओवादी केन्द्र निर्वाचित सिन्धुपाल्चोकको चौतारासाँगागढी नगरपालिकाका मेयर कृष्णप्रसाद सापकोटा चयन हुनुभएको छ।
महासचिवमा नेकपा एमालेका तर्फबाट दाङको घोराही उपमहानगरपालिकाका मेयर नरुलाल चौधरी चयन हुनु भएको छ भने उपमहासचिवमा काठमाडौं महानगरपालिकाकी उपप्रमुख सुनिता डंगोल चयन हुनुभएको छ। सहकोषाध्यक्षमा हेटौंडा उपमहानगरपालिका प्रमुख एकीकृत समाजवादीक मीना लामा चयन हुनुभएको छ।