समायोजन खबर खोटाङ,खोटाङको केपिलासगढी गाउँपालिका–३ बासपानीमा आयोजित जिल्ला स्तरीय खुल्ला पुरुष फुटबल प्रतियोगिताको उपाधि सोल्मा हट मिलन टिमले चुमेको छ।

स्थानीय खकलुङ युनाइटेड क्लब बासपानीले खोक्मा खेलमैदानमा आयोजना गरेको प्रतियोगितामा खार्मी फुटबल क्लब खार्मी दोश्रो तथ फाईनलिस्ट खकलुङ युनाइटेड क्लब ए र युनिटी क्लब सिमपानी भएको छ।

प्रतियोगितामा प्रथम हुने सोल्मा हट मिलन टिमले ३० हजार, दोश्रो खार्मी फुटबल क्लबले २० हजार र फाईनलिस्ट खकलुङ युनाइटेड क्लब ए र युनिटी क्लब सिमपानीले १०/१० हजारका साथमा मेडल र प्रमाण पत्र प्राप्त गरेको खकलुङ युनाइटेड क्लब बासपानीका अध्यक्ष प्रताप राईले बताए।

४ कार्तिकबाट भएको प्रतियोगिता आज समापन भएको हो। प्रतियोगितामा १९ टिमले सहभागिता जनाएको थियो। विजयी टिमलाई प्रदेश नं. १ का सामाजिक विकास मन्त्री राजन राईले पुरस्कार प्रदान गरेका छन्।