समायोजन खबर खोटाङ, नवौं राष्ट्रिय खेलकुद अन्तर्गत नेपाल सितोरियो कराते संघ खोटाङले चार पदक जितको छ। पर्वतको कुश्मामा भएको प्रतियोगितामा खोटाङ करातेले दुई रजत र दुई कास्य पदक जितेका हुन्।

महिला टिम कातामा रोश्मा राई, विद्याकला राई र समिता राईले रजत पदक तथा महिला कुमितेको ५५ केजी तौल समुहमा विद्याकला राईले रजत पदक जितेकी हुन्।

यस्तै, महिला कुमितेको ६८ केजी तौल समुहमा मिसडोना राई र पुरुष कुमितेको ७५ केजी तौलमा रुरिहाङ दुमी राईले कास्य पदक जितेका छन्।

उनीहरु प्रदेश नम्बर १ को प्रतिनिधित्व गर्दै प्रतिस्पर्धामा उत्रिएका थिए। कुश्मामा गएको असोज २८ गतेदेखि नवौं राष्ट्रिय खेलकुद अन्तर्गत कराते प्रतियोगिता भईरहेको छ। प्रतियोगिता भोली सकिनेछ।