समायोजन खबर खोटाङ, अविरल वर्षाका कारण पहिरो गएपछि अवरुद्ध भएको दिक्तेल–हलेसी सडकखण्ड सुचारु भएको छ।

हलेसी तुवाचुङ नगरपालिका–७ महादेवस्थानको तुवाचुङ खण्डमा सोमबार बिहानै माथिबाट खसेको पहिरो दुई घण्टा लगाएर पन्छाएपछि सडक सुचारु भएको हो। हलेसी तुवाचुङ नगरपालिकाको जेसिभी प्रयोग गरेर पहिरो हटाईएको थियो।

पहिरोले सडक पुरेपछि दिक्तेलबाट काठमाण्डौ तथा तराईका जिल्ला छुट्ने साना/ठूला तथा दुई पाङग्रे सवारी साधन र हलेसीबाट दिक्तेल–भोजपुर जाने सवारी साधन रोकिएको थियो।

हलेसी–जयरामघाट सडकमा पनि ठाउँ ठाउँमा पहिरो खसेको छ। यद्यपी, सवारी साधन भने आवतजावत भईरहेको छ।