समायोजन खबर खोटाङ, खोटाङमा बेवारिसे अवस्थामा शव भेटिएको छ। दिक्तेल रुपाकोट मझुवागढी नगरपालिका–३ बाम्राङको गिद्धेभीरतर्फ जाने गोरेटो बाटोमा बेवारिसे अवस्थामा पुरुषको शव भेटिएको हो।

शनिबार दिउँसो करीव साढे २ वजे अन्दाजी ६० वर्षदेखि ७० वर्ष उमेर भएका पुरुषको शव भेटिएको जिल्ला प्रहरी कार्यालय खोटाङका सूचना अधिकारी प्रहरी निरीक्षक रोमन राज अर्यालले जानकारी दिए।

शव भेटिएको स्थानीयले खबर गरेपछि प्रहरीले घट्नास्थलको मुचुल्का तयार गरी शवलाई परीक्षण गर्न जिल्ला अस्पलात दिक्तेलमा ल्याईएको छ। घट्नाका बारेमा थप अनुसन्धान भईरहेको प्रहरीले जनाएको छ।