समायोजन खबर खोटाङ, खोटाङको जन्तेढुंगा गाउँपालिकामा गठबन्धन विजयी भएको छ। गठबन्धनका गाउँपालिका अध्यक्ष अरुणादेबी राईले निकटतम प्रतिद्धन्द्धी शंखर बहादुर राईलाई ३०६ मतले हराउँदै विजयी भएकी हुन्।

गाउँपालिका अध्यक्षमा निर्वाचित अरुणादेबीले २८८१ मत पाएका छन्, भने शंखर बहादुरले २५७५ मत पाएका छन्।

यस्तै उपाध्यक्षमा गठबन्धनका खेम खड्काले २८१२ मत ल्याएर विजयी भएका छन्। खड्काका निकटतम प्रतिद्धन्द्धी विमला राईले २४९५ मत पाएका छन्।

पराजित शंखर बहादुर र बिमला २०७४ को स्थानीय तह सदस्य निर्वाचनबाट गाउँपालिका अध्यक्ष र उपाध्यक्षमा निर्वाचित भएका थिए।

यस्तै, गठबन्धनको माओवादी केन्द्रबाट वडा नं. १ देबिस्थानमा केदारमान राई, वडा नं. २ बोपुङमा मस्त बहादुर राई, गठबन्धनको कांग्रेसबाट वडा नं. ३ काहुलेमा तारामान राई, वडा नं.५ चिसापानीमा धनबहादुर राई, वडा नं. ६ दिप्लुङमा सागर राई विजयी भएका छन् । वडा नं. ४ डम्बर्खुशिवालयमा एमालेका बिदुरमान राई निर्वाचित भएका छन्।